ავტოსაგზაო შემთხვევას კახეთში 45 წლის ქალის სიცოცხლე ემსხვერპლა
ავტოსაგზაო შემთხვევას დედოფლისწყაროში 45 წლის ქალის სიცოცხლე ემსხვერპლა.
შემთხვევა დღეს შირაქის ქუჩაზე მოხდა.
თვითმხილველების ინფორმაციით, ავტომობილი, რომელსაც სამთაწყაროს საჯარო სკოლის მასწავლებელი მართავდა, მოცურდა და ელექტროგადამცემ ბოძს შეეჯახა. ქალმა სიცოცხლისათვის შეუთავსებელი დაზიანებები მიიღო და ავარიის ადგილზე გარდაიცვალა.
ცხედარი გურჯაანის რაიონულ პროზექტურაში, ექსპერტიზაზე გადაასვენეს.
წყარო: "მთავარი არხი"