“მაქვს ჯანმრთელობის ისეთი პრობლემები, რომლებიც არ მაძლევდა საშუალებას, საჯაროდ და აქტიურად ვყოფილიყავი ჩართული პოლიტიკურ პროცესებში...“- ელენე ხოშტარია მიმართვას ავრცელებს
ელენე ხოშტარია სოციალურ ქსელში პოსტს აქვეყნებს, რომელშიც წერს, რომ ბოლო დროს პოლიტიკურ პროცესებში საჯაროდ აღარ არის ჩართული, რადგან ჯანმრთელობის პრობლემები ამის საშუალებას არ აძლევდა.
“მეგობრებო, ძალიან არ მიყვარს პირადზე საუბარი საჯაროდ, თუმცა ახლა ჩავთვალე, რომ ჩემი დუმილი რაღაც პერიოდის განმავლობაში არასწორად შეიძლება იყოს აღქმული.
იანვრიდან მოყოლებული, მაქვს ჯანმრთელობის ისეთი პრობლემები, რომლებიც არ მაძლევდა საშუალებას, საჯაროდ და აქტიურად ვყოფილიყავი ჩართული პოლიტიკურ პროცესებში. რეალურად, ყველა მნიშვნელოვან პროცესში ჩართული ვარ ზურასთან და ჩვენს ძვირფას გუნდთან ერთად, ყველა გადაწყვეტილებას ერთად ვიღებთ და ერთად ვგეგმავთ, მიუხედავად იმისა, რომ ფიზიკურად აქ არ ვარ.
წესით, მალე საჯაროდაც დავბრუნდები. იმაზე ბევრს არ ვილაპარაკებ, როგორ განვიცდი, რომ ჯანმრთელობამ ასეთ მნიშვნელოვან დროს მიმტყუნა. თუმცა, იმას კი ხაზგასმით ვიტყვი, რომ ცვლილებებისთვის ბრძოლის შემართება არათუ არ შემცვლია, გაძლიერებულიც მაქვს იძულებითი შვებულების ფონზე.
ზოგს კი მოკლედ ვეტყვი, ნახევრად ხუმრობით: "ვერ მოგართვით“ - წერს ხოშტარია.