"ჩვენთვის მიუღებელია, რომ ძალიან მძიმე დანაშაულებში ბრალდებული ადამიანები ასეთი ტიპის საჯარო ღონისძიებებში მონაწილეობდნენ" - ილია დარჩიაშვილი ბრიუსელსა და ბერლინში ზურაბ ადეიშვილის შეხვედრებზე
საგარეო საქმეთა მინისტრის, ილია დარჩიაშვილის განცხადებით, ევროკავშირის და გერმანიის ელჩებთან შეხვედრისას გამოხატა საქართველოს ხელისუფლების პოზიცია, რომ მათთვის მიუღებელია საქართველოს იუსტიციის ყოფილი მინისტრის, ზურაბ ადეიშვილის ვიზიტი.
როგორც დარჩიაშვილმა მთავრობის სხდომის დასრულების შემდეგ ბრიფინგზე აღნიშნა, მათი პოზიციაა, რომ კრიმინალები მსგავსი ტიპის ღონისძიებებში არ უნდა მონაწილეობდნენ.