"სახლებიდან ფული და ძვირფასეულობა მოიპარეს" - ავსტრიაში ქართველების დაჯგუფება დააკავეს
10 ქურდობა ავსტრიის ქალაქ კრემსის სხვადასხვა რაიონში და 107 000 ევროს ჯამური ზარალი - ავსტრიაში ქართველების დაჯგუფება დააკავეს.
მედიის ცნობით, საქართველოს ოთხმა მოქალაქემ, 2023 წლის ნოემბრიდან 2024 წლის იანვრის ჩათვლით, სახლები გაქურდა. მედიის ცნობით, 32-დან 35 წლამდე ქართველებმა სხვადასხვა დროს სახლებიდან ფული და ძვირფასეულობა მოიპარეს.
ერთ-ერთი ბინიდან კი ნაღდი ფულით სავსე სეიფი წაიღეს. გამომძიებლებმა დაადგინეს, რომ ისინი პოლონური სანომრე ნიშნის მქონე ავტომობილით გადაადგილდებოდნენ და გატეხილი სეიფი ჩეხეთში იპოვეს.
როგორც საქმის მასალებიდან ირკვევა, ქართველები ავსტრიელმა სამართალდამცველებმა იანვარში, სახლის ქურდობის ფაქტზე დააკავეს. ისინი ამ დროისათვის კრემსის ციხეში, წინასწარ პატიმრობაში იმყოფებიან. გარდა ამისა, ეძებენ კიდევ ერთ სავარაუდო დამნაშავეს.