"სააკაშვილი უნდა გათავისუფლდეს, ამ სულისკვეთებას ატარებს პეტიცია და სალომე ზურაბიშვილი ვალდებულია, მთავარი ამოცანა შეასრულოს" - ლაშა ფარულავა
"ერთიანი ნაციონალური მოძრაობა" 2024 წლის საპარლამენტო არჩევნების სამართლიან, კონკურენტუნარიან და დემოკრატიულ გარემოში ჩატარების აუცილებელ წინაპირობად მიხეილ სააკაშვილის გათავისუფლებას მიიჩნევს.
პარტიაში აცხადებენ, რომ სალომე ზურაბიშვილი ვალდებულია, გამოიჩინოს კეთილგონიერება და მესამე პრეზიდენტი შეიწყალოს. მათივე განმარტებით, დაუშვებელია, ქვეყნისთვის ყველაზე მნიშვნელოვან მომენტში მიხეილ სააკაშვილი პოლიტიკურ პროცესებს თვალს კლინიკა "ვივამედიდან" ადევნებდეს.