საქართველოს დელეგაცია ოკუპანტ ქვეყანაში - ვინ წავიდა პუტინის ახალგაზრდულ ფორუმზე, სადაც საქართველოს დროშის გვერდით ოკუპირებული რეგიონების დროშები გამოფინეს
ოკუპანტ რუსეთში, მსოფლიოს ახალგაზრდულ ფესტივალზე, რომელიც ვლადიმირ პუტინის ბრძანებით ტარდება, დელეგაცია საქართველოდანაც ჩავიდა. ფესტივალი 1-ლ მარტს დაიწყო და ერთი კვირა გრძელდება. საქართველოს დელეგაციასთან ერთად, ფესტივალში მონაწილეობას იღებენ საქართველოს ოკუპირებული რეგიონების, აფხაზეთისა და ე.წ. სამხრეთ ოსეთის დელეგაციები, რომლებშიც ახალგაზრდებთან ერთად, ოფიციალური პირებიც შედიან. სოჭთან ახლოს, "სირიუსის“ ფედერალურ ტერიტორიაზე, საქართველოს დროშასთან ერთად გამოფენილია თვითგამოცხადებული რესპუბლიკების დროშებიც.
საქართველოს დელეგაციას პრიმაკოვის ცენტრის ხელმძღვანელი დიმიტრი ლორთქიფანიძე ხელმძღვანელობს.
ღია წყაროების მიხედვით, საქართველოს დელეგაციის წევრებს შორის არიან:
ანნა ხოტივრიშვილი - ისტორიის მეცნიერების კანდიდატი, პოსტსაბჭოთა ქვეყნების საერთაშორისო კავშირების კვლევის ცენტრის დირექტორის მოადგილე;
იულია კლიუჩიკოვა - რუსულენოვანი გიდი თბილისიდან;
ინესსა როდინა - საქართველოს სპორტული აკრობატიკის სამგზის ჩემპიონი მარნეულიდან, ლორთქიფანიძის თქმით, "რუსი ახალგაზრდების ლიდერი საქართველოში“;
კარინე არაკელიანი - მასწავლებელი ნინოწმინდის მუნიციპალიტეტის სოფელ როდიონოვკადან (ფარავანი);
ტატიანა ბალაბანოვა - გორელოვკას მკვიდრი;
სოჭში იმყოფება ჟურნალისტი ლალი მოროშკინაც, რომელიც პერიოდულად გამოდის რუსულ ტელეარხებზე და კომენტარს აკეთებს საქართველო-რუსეთის ურთიერთობებზე.
ვრცლად სტატიის სანახავად გადადით ლინკზე: https://www.ambebi.ge/article/306656-delegacia-okupant-kveqanashi-vin-stumrobda-sakart/