"ტრაგედიაა ყველასთვის" - 19 წლის ბიჭი, სავარაუდოდ, ნარკოტიკების ზედოზირებით გარდაიცვალა, მასთან ერთად მყოფი აჭარის განათლების სამინისტროს მაღალჩინოსნის შვილი კი დააკავეს
აჭარის განათლებისა და კულტურის სამინისტროს კულტურის დეპარტამენტის უფროსის, თამარ გუდავას 20 წლის შვილი განსაკუთრებით დიდი ოდენობით ნარკოტიკული საშუალების ჯგუფურად გასაღების მცდელობის ბრალდებით დააკავეს. დაკავებულს ბრალდება უკვე წარუდგინეს.
თამარ გუდავამ სოციალურ ქსელში დაწერა, რომ "უხერხულობის თავიდან ასაცილებლად" თანამდებობიდან გადადგა.
"მეგობრებო, ვარ მთლიანად განადგურებული! პირველ რიგში იმიტომ, რომ მე თავად არ ვიცი რა უბედურება ხდება ჩემს თავს! მეც ახლა ვარკვევ სიტუაციას. მინდა იცოდეთ, რომ თუ დადასტურდა ინფორმაცია ჩემი უფროსი შვილის რაიმე სახის ბრალეულობაზე, ის აუცილებლად აგებს მკაცრად პასუხს კანონის წინაშე!ყველანაირი უხერხულობის თავიდან ასაცილებლად ვწერ განცხადებას და მივდივარ კულტურის დეპარტამენტის უფროსის პოზიციიდან" - წერს თამარ გუდავა.
ვიდეო: "ფორმულა"