ბაკალავრიატი 3 წელი, მაგისტრატურა კი ერთი - რას ამბობენ მოქალაქეები?
3-წლიანი საბაკალავრო პროგრამა და 1-წლიანი მაგისტრატურა, 2025 წლიდან განათლების სისტემაში ცვლილება იგეგმება.
უნივერსიტეტებს ექნებათ შესაძლებლობა, ბაკალავრიატის შემთხვევაში ხელოვნების, ბიზნესის და ადმინისტრირების ვიწრო სფეროებში კლასიფიცირებულ საგანმანათლებლო პროგრამებზე 3-წლიანი საბაკალავრო, ხოლო მაგისტრატურის შემთხვევაში კი ბიზნესის ადმინისტრირების/მართვის 1-წლიანი პროგრამა შექმნან.
ცვლილების დეტალებზე განათლების მინისტრმა გიორგი ამილახვარმა ტელეკომპანია "იმედის" ეთერში ისაუბრა. მისი განმარტებით, უნივერსიტეტებს ექნებათ არჩევანი, დანერგავენ 3-წლიან საბაკალავრო პროგრამას თუ დატოვებენ ძველ, 4 -წლიან სისტემას.
განათლების მინისტრის შესაბამისი ბრძანება "საკანონმდებლო მაცნეს" ვებგვერდზე უკვე გამოქვეყნდა.