"მე პრობლემები დავინახე სხვა მიმართულებით..." - ირაკლი კობახიძე ზურა აზარაშვილის განცხადებას ეხმაურება
ზურაბ აზარაშვილმა ისაუბრა იმ გამოწვევაზე, რასთანაც მას მინისტრობის პერიოდში გამკლავება უწევდა, - ასე შეაფასა პრემიერ-მინისტრმა ირაკლი კობახიძემ ჯანდაცვის ყოფილი მინისტრის, ზურაბ აზარაშვილის განცხადება.
ირაკლი კობახიძის განცხადებით, ზურაბ აზარაშვილმა ჯანდაცვის მინისტრობის პერიოდში ძალიან ბევრი, მნიშვნელოვანი საქმე გააკეთა.
კითხვაზე, აღიარებს თუ არა, რომ ჯანდაცვის სისტემაში „მძლავრი ჯგუფების ბიზნესინტერესები“ არსებობს, რაზეც აზარაშვილი საუბრობს, ირაკლი კობახიძემ უპასუხა, რომ როდესაც ჯანდაცვის სექტორი იზრდება, რისკებიც ჩნდება.