"ასე გადაწყვიტა სამყარომ ჩემი მოკვლა" - რას წერს სოფელ საზანოში გადარჩენილი გოგონა, რომლის მამა და დაც ტრაგედიას ემსხვერპლნენ
"ასე გადაწყვიტა სამყარომ ჩემი მოკვლა", - ამის შესახებ სოციალურ ქსელში სოფელ საზანოში გადარჩენილი გოგონა ანა რობაქიძე წერს, რომლის მამა და დაც ტრაგედიას ემსხვერპლნენ.
2 მარტს თერჯოლის მუნიციპალიტეტის სოფელ საზანოში, მდინარე ძუსაში ოთხი ადამიანი დაიხრჩო.
დაღუპულებს შორის არიან საზანოში მცხოვრები კაცი, მისი ქალიშვილი და გოგონას მეგობრები, რომლებიც სოფელში სტუმრად ჭიათურიდან იყვნენ ჩასული.
მაშველებმა გადაარჩინეს ერთი გოგონა, რომელიც დაღუპული მამაკაცის მეორე ქალიშვილი იყო.