"ოთო იმ საცოდავის ძმისშვილია, მთელ სვანეთში თითით საჩვენებელი ოჯახი იყო და ამ ამბის შემდეგ, წელში ვეღარ გაიმართნენ" - რა ახალი დეტალები ხდება ცნობილი ოთო ცინდელიანის ოჯახის შესახებ?
ambebi.ge-ს ოთარ ცინდელიანის ნათესავი უყვება:
"ოთო იმ საცოდავი დათო ცინდელიანის ძმისშვილია, 2008 წელს ზღვაში რომ ჩაძირა შამათავამ (კონსტიტუციური უსაფრთხოების დეპარტამენტის აფხაზეთის მთავარი სამმართველოს უფროსი - ნ.ფ.)… მართლა კარგი ოჯახი იყო და დათოს ამბავმა დაანგრია ყველა…ამ ბიჭის მამაც - თემურიც, კარგი ბიჭი იყო და მასაც აერია ცხოვრება - ცოლი გაშორდა (გუჯეჯიანია გვარად) და ესპანეთში წავიდა. ეს ბავშვიც კარგი ბიჭი იყო, სპორტს მისდევდა და მერე გზას ასცდა.
ბიჭი ბებიამ (მამის დედამ) გაზარდა, შესანიშნავი ქალია, პედაგოგი. დედამ ოთო ესპანეთში წაიყვანა და იქ მთლად დაიქცა ეს ბავშვი, იქაც მაიმუნობდა რაღაცას და დედამ გამოაძევა იქიდან. ამბობენ, ნარკოტიკებს მოიხმარდაო, რაც სამწუხარო ამბავია. ახლაც ამბობენ, რომ ნარკოტიკების ზემოქმედების ქვეშ ჩაიდინა მკვლელობა. ამის მოტივი სვანეთში არ იციან. ოთოს მამა და ბებია ჭუბერში ცხოვრობენ, ამბობენ, მათთან მიდიოდაო.
2008-ში დათო მამას - ზაურს გასტაცეს ხელიდან. ისიც რეინჯერი იყო, ძალიან მაგარი კაცი და ფაქტობრივად, ეს თითით საჩვენებელი ოჯახი მას მერე წავიდა უკან, დათოს მამა ნერვიულობაზე დაავადდა და მალე გარდაიცვალა. მთელ სვანეთში თითით საჩვენებელი ოჯახი იყო და წელში ვეღარ გაიმართნენ. სვანეთში წარმოდგენა არავის აქვს, რა მოხდა და რატომ ჩაიდინა ოთომ ეს დანაშაული. ახლა გამზრდელი ბებიის ცოდვით იწვის მთელი სვანეთი. დღეს ამ ამბით ყველა საერთოდ დასამარდა ერთ-ერთი საუკეთესო ოჯახი.“
შეგახსენებთ, რომ მესტიის რაიონის სოფელ ჭუბერში მცხოვრები მეტყევე-რეინჯერი დავით ცინდელიანი 2008 წლის 16 აგვისტოს მოკლეს. მას "სახელმწიფოს ღალატი" დასწამეს, რაზეც ხელი არ მოაწერა. განაგრძეთ კითხვა