"ეს ტექსტი რომ მოვისმინე, რამდენიმე დღე შოკირებული ვიყავი... ეს ჩანაწერი მის მშობლებსაც აქვთ მოსმენილი" - რას ამბობდა აუდიოჩანაწერში ბიჭი, რომელიც წლების წინ ცხვარიჭამიის ტყეში გარდაცვლილი იპოვეს?
"რადიო პალიტრის" გადაცემაში "თქვენი დრო" ლუდომანიის საგანგაშო სტატისტიკის შესახებ "დედები აზარტული თამაშების წინააღმდეგ" დამფუძნებელმა თამარ ჯაფარიძემ და ფსიქოლოგმა ვერიკო გოჯიაშვილმა ისაუბრეს.
"სანდრო ბერაძემ "ანდერძი" დაგვიტოვა. პირდაპირი მნიშვნელობით, მესიჯი დატოვა ... ეს ტექსტი რომ მოვისმინე, რამდენიმე დღე ძალიან ცუდად, შოკირებული ვიყავი... ეს ჩანაწერი მის მშობლებსაც აქვთ მოსმენილი. 112-ის ოპერატორს უთხრა, მე კი წავალ, ვერ მიპოვით, მაგრამ ძალიან გთხოვთ, დაეხმარეთ ამ ქვეყანას და ახალგაზრდებს, რომ გადარჩნენ". ეს ისეთი ზარი იყო... მაშინ აღთქმასავით დავდე, რომ ყველაფერს გავაკეთებ, რომ ამ ადამიანებს დავეხმარო" - განაცხადა თამარ ჯაფარიძემ.
ცნობისთვის, საზოგადოებრივი მაუწყებლის ოპერატორი სანდრო ბერაძე 2019 წლის 29 ოქტომბერს ცხვარიჭამიის ტყეში გარდაცვლილი იპოვეს.