loader

"ყურადღებით, თაღლითობის ახალი სქემა!" - გიორგი კეპულაძე მიმართვას ავრცელებს - პალიტრა ვიდეო

მთავარი ყველა ვიდეო საავტორო ტექნოლოგიები ახალი ამბები საზოგადოება შოუბიზნესი მოზაიკა სპორტი ვიდეოგაკვეთილები მსოფლიო მნიშვნელოვანი ინფორმაცია PALITRANEWS სხვადასხვა

"ყურადღებით, თაღლითობის ახალი სქემა!" - გიორგი კეპულაძე მიმართვას ავრცელებს

არასამთავრობო ორგანიზაცია "საზოგადოება და ბანკების" დამფუძნებელი და ეკონომისტი გიორგი კეპულაძე სოციალურ ქსელში საზოგადოებას კიბერთაღლითობის ახალი სქემის შესახებ აფრთხილებს.

"ყურადღებით, კიბერთაღლითობის ახალი სქემა!

სხვადასხვა სოციალურ ქსელში გვხვდება რეკლამები, სადაც მცირე ინვესტიციით დიდ ამონაგებს გვპირდებიან ან გვთავაზობენ დასაქმებას. ასევე უკავშირდებიან მომხმარებლებს სოციალური ქსელით, სხვადასხვა აპლიკაციით (Whatsapp, Viber), ცდილობენ დაარწმუნონ, რომ განახორციელოს ინვესტიცია, ივაჭროს სხვადასხვა აქციით ან აქტივებით. ამისთვის ურჩევენ აპლიკაციის დაყენებას. მას შემდეგ, რაც მომხმარებელი ვერ შეასრულებს რამეს დისტანციურად, სთავაზობენ „ენიდესკის“ ან სხვა მსგავსი აპლიკაციის დაყენებას, რომლის საშუალებითაც თითქოს უნდა დაეხმარონ. მომხმარებელი იწერს აპლიკაციას, რის შედეგადაც ფაქტობრივად თაღლითს აძლევს მის მოწყობილობაზე წვდომას. იყო შემთხვევები, როდესაც მომხმარებლები დაგვიკავშირდნენ და მოგვიყვნენ, რომ უყურებდნენ, მათსავე მოწყობილობაში როგორ იაქტიურებდა კიბერთაღლითი სესხს ან რიცხავდა თანხას. არის შემთხვევები, როდესაც მომხმარებლებს არწმუნებენ, რომ გადარიცხვას თვითონვე აკეთებენ და შემდეგ, როცა ვერ იღებენ ამონაგებს, მერე ხვდებიან, რომ თაღლითობის მსხვერპლი გახდნენ. ასევე იყო შემთხვევები, როდესაც აშანტაჟებდნენ და ისე არიცხვინებდნენ თანხას.

რჩევები:

არ გადმოწეროთ აპლიკაციები სხვისი დავალებით, მით უმეტეს, ისეთი აპლიკაციები, რომლებიც საშუალებას აძლევს თაღლითს, შემოვიდეს თქვენს მოწყობილობაში;

არ მისცეთ წვდომა თქვენს მოწყობილობაზე არავის;

დიდ კომპანიებში დასაქმების დაპირების შემთხვევაში, აუცილებლად გადაამოწმეთ, რამდენად რეალურია შემოთავაზება" - წერს გიორგი კეპულაძე.