ვლადიმერ პუტინი გეგმავს იფრინოს სტრატეგიული ბომბდამშენი Tu-160M-ით, რომელსაც ბირთვული რაკეტების გადატანა შეუძლია - რა კადრები ვრცელდება ყაზანის საავიაციო ქარხნიდან
რუსეთის ფედერაციის პრეზიდენტი ვლადიმერ პუტინი ყაზანის საავიაციო ქარხნის ასაფრენ ბილიკზე სტრატეგიულ სარაკეტო ბომბდამშენზე, Tu-160M-ზე საფრენად მივიდა. ვიდეოს, სადაც რუსეთის პრეზიდენტი სამხედრო თვითმფრინავში ჯდება, პროსამთავრობო ტელეგრამ-არხი Shot აქვეყნებს.
კრემლის სპიკერის, დიმიტრი პესკოვის განცხადებით, მოსალოდნელია, რომ ფრენა 40 წუთამდე გაგრძელდება, ხოლო მარშრუტი სამხედრო საიდუმლოებაა.
ეს პირველი შემთხვევა არ არის, როდესაც სამხედრო ავიაციის გამოცდას პირადად პუტინი ესწრება. 2005 წლის აგვისტოში რუსეთის პრეზიდენტი საკრუიზო რაკეტის, Tu-160-ის გამოცდას პირადად ესწრებოდა. 2000 წლის მარტში პუტინი კრასნოდარიდან ჩეჩნეთში გამანადგურებელი ბომბდამშენით, სუ-27-ით გაფრინდა.
სტრატეგიულ რეაქტიულ ბომბდამშენებს, Tu-160-ს, უკრაინის ტერიტორიაზე იერიშის მისატანად, რუსეთი 2022 წლის თებერვლიდან, “სპეციალური სამხედრო ოპერაციის“ გამოცხადებისთანავე იყენებდა.
როგორც bbc წერს, X-101/555 ტიპის საკრუიზო რაკეტების გამოყენებით, ყველაზე ხშირად ისინი თავს ესხმიან კასპიის ზღვის ზონას. 2022 წლის დეკემბრამდე Tu-160-ების უმეტესი ნაწილი უკრაინაში, სარატოვში, კერძოდ, ენგელსის აეროდრომზე განხორციელდა.
Tu-160M არის საბჭოთა და რუსული ინტერკონტინენტური ზებგერითი სტრატეგიული ბომბდამშენი, რომელიც შეიქმნა 1970-იან წლებში. მას შეუძლია ბირთვული რაკეტების ტარება.