ქუთაისში, მრავალსართულიანი საცხოვრებელი კორპუსის პირველ სართულზე, ცეცხლი გაჩნდა - რა დეტალები ხდება ცნობილი
ქუთაისში, ბუხაიძის ქუჩაზე, ხანძარი იყო. ცეცხლი მრავალსართულიანი საცხოვრებელი კორპუსის პირველ სართულზე გაჩნდა.
არსებული ინფორმაციით, აღნიშნულ სივრცეში არავინ ცხოვრობს და ის წლების წინ საწყობად გამოიყენებოდა.
ხანძრის გამომწვევ მიზეზს გამოძიება დაადგენს. ამ დროისთვის, ზარალის ოდენობა უცნობია.
ადგილზე სახანძრო-სამაშველო ჯგუფებია მობილიზებული და მიმდინარეობს ხანძრის სალიკვიდაციო სამუშაოები.