"7 წლის შემდეგ პირველად შეუძლია მხარზე თავი დამადოს და ასე მშვიდად ჩაეძინოს" - რას წერს დეკანოზ გიორგი მამალაძის ძმა?
ე.წ. ციანიდის საქმეზე მსჯავრდებული დეკანოზი გიორგი მამალაძე ე.წ. უდოს კომისიამ 14 თებერვალს გაათავისუფლა. გიორგი მამალაძის ძმის, თორნიკე მამალაძის განცხადებით, სასულიერო პირის ჯანმრთელობის მდგომარეობა არც ისე კარგია.
"7 წლის შემდეგ პირველად შეუძლია მხარზე თავი დამადოს და ასე მშვიდად ჩაეძინოს," - წერს დეკანოზ გიორგი მამალაძის ძმა და სოციალურ ქსელში ფოტოს აქვეყნებს.
სასულიერო პირი თბილისის აეროპორტში 2017 წლის 10 თებერვალს დააკავეს. ის სამივე ინსტანციის სასამართლომ შურისძიების მოტივით ციანიდის გამოყენებით შორენა თეთრუაშვილის მკვლელობის მომზადებაში ცნო დამნაშავედ და 9-წლით თავისუფლების აღკვეთა მიუსაჯა.