ვინ არის 22 წლის მამუკა გაწერელია, რომელსაც რუსეთმა სამუდამო პატიმრობა მიუსაჯა?
რუსეთმა ქართველ მებრძოლს, მამუკა გაწერელიას, სამუდამო პატიმრობა მიუსაჯა. მარიუპოლის მცველს ის, სულ მცირე, 4 რუსი სამხედროს მკვლელობის მცდელობაში ადანაშაულებდა.
"ტელგრამის" რუსული არხები და რუსული მედია 22 წლის მამუკა გაწერელიას გასამართლების შესახებ ავრცელებენ ინფორმაციას.
გაწერელია უკრაინაში რუსეთის წინააღმდეგ იბრძოდა და ის "აზოვსტალის" დამცველებიდან ერთ-ერთია.
გაწერელია, რომლის ოჯახიც აფხაზეთიდან არის დევნილი, 2022 წლის 20 მაისს ჩავარდა ტყვედ, მას შემდეგ, რაც მისმა ქვედანაყოფმა შეასრულა უკრაინის პრეზიდენტის მითითება "აზოვსტალიდან" გასვლის შესახებ.
დონეცკის ე.წ. პროკურატურის ინფორმაციით, წინასწარ პატიმრობაში მყოფ მამუკა გაწერელიას 20 თებერვალს სამუდამო პატიმრობა მიუსაჯეს.
"დონეცკის სახალხო რესპუბლიკის უზენაესმა სასამართლომ უკრაინის შეიარაღებული ძალების 22 წლის მსროლელის წინააღმდეგ სისხლის სამართლის საქმეზე განაჩენი გამოიტანა. მამუკა გაწარელია დამნაშავედ ცნო რუსეთის ფედერაციის სისხლის სამართლის კოდექსის 317-ე მუხლით (თავდასხმა სამხედრო მოსამსახურის სიცოცხლეზე, რათა ხელი შეუშალოს აღნიშნული პირის კანონიერ საქმიანობას საზოგადოებრივი უსაფრთხოების უზრუნველსაყოფად) და რუსეთის ფედერაციის სისხლის სამართლის კოდექსის 359-ე მუხლის თ3 (დაქირავებულის მონაწილეობა შეიარაღებულ კონფლიქტში).
სახელმწიფო პროკურორის პოზიციის გათვალისწინებით, სასამართლომ გაწარელიას სასჯელის სპეციალური რეჟიმის აღმზრდელობით კოლონიაში მოსახდელად უვადო პატიმრობა შეუფარდა", - წერია რუსეთის გენერალური პროკურატურის განცხადებაში.