"მამუკა ხაზარაძე არის "ლუზერი" რადიკალი" - კახა კალაძე
მამუკა ხაზარაძე არის ჩვეულებრივი "ლუზერი" რადიკალი, არაფრით განსხვავდება იმ რადიკალებისგან, რომლებიც დღეს პოლიტიკურ ველზე წარმოადგენენ სხვადასხვა პოლიტიკურ პარტიას, ანუ სახელები ჰქვიათ სხვადასხვა, თუმცა რეალობაში ყველანი მიშას შვილები არიან, - ამის შესახებ თბილისის მერმა კახა კალაძემ განაცხადა.
როგორც კალაძემ აღნიშნა, წინა ხელისუფლების დროს ყველა იმ რადიკალ პოლიტიკურ სუბიექტს, რომელიც ახლა ოპოზიციურ პოლიტიკურ ველზეა, სხვადასხვა ფუნქცია ჰქონდა. მისივე თქმით, საზოგადოებას კარგად ახსოვს ყველა მათგანის, მათ შორის, მამუკა ხაზარაძის წარსული და მისი ფუნქციები.