"მოსახლეობაში აჟიოტაჟი გამოიწვია, რატომ არ დაწვით, არ ამობუგეთო, ამბობდნენ" - უნიკალური აღმოჩენა ქარელში, როგორ აღმოაჩინეს გველების გამოსაზამთრებელი ადგილი
17 თებერვალს სოციალურ ქსელში გავრცელდა ცნობა, რომ ქართველმა ჰერპეტოლოგებმა ქარელში ქვეწარმავლების, კერძოდ, "წითელმუცელა მცურავების" გამოსაზამთრებელ ადგილს მიაკვლიეს. ინფორმაცია და ფოტოები სოციალურ ქსელში გავრცელდა. ადგილზე ჩასულ ილიაუნის მკვლევარების გუნდს 134 წითელმუცელა მცურავი დახვდა. ჯგუფის წევრები იყვნენ: შოთა ზანდუკელი, მარი წულაია, იოანე როსტიაშვილი, ანდრო სოლომანაშვილი, გიორგი იანქოშვილი, ალისა სანაკოევა.