"ეს ადამიანი იქ რომ ყოფილიყო 10 წამით ადრე, ახლა ცოცხალი აღარ იქნებოდა" - რა ვიდეო ვრცელდება სოციალურ ქსელში?
სოციალურ ქსელში გავრცელებულ ვიდეოს, რომელშიც ჩანს, რომ სატვირთო მანქანა წითელი ფერის მაშუქის ანთებისას არ აჩერებს, უარყოფითი გამოხმაურება მოჰყვა.
"აკრეფილი სიჩქარეს ვერ დააგდებდა, თუმცა რატომ დაქრიან?!?! პოტენციური მკვლელია ყველა ასეთი უპასუხისმგებლო მძღოლი...
ეს არანორმალური სისწრაფით მოძრავი სატვირთოები და ბეტონის მანქანები ცალკე პრობლემაა კიდევ...
სჯობს, გააჩერო, რა თქმა უნდა, მაგრამ რომ აინთება წითელი, 3 წამი ქუჩის გადმომკვეთს კიდევ არ აქვს მწვანე და ასეთ შემთხვევაში გასვლა სჯობს, როცა გაჩერება უფრო რთულია, ვიდრე გავლა. არც გადამსვლელი არ დგას ახლოს (მიუხედავად იმისა, რომ არ ვიცით, რა წონის ტვირთით მოძრაობს). შეიძლება მკვეთრმა დამუხრუჭებამ უარესი შედეგი გამოიწვიოს....
მაგ სიჩქარით რომ მიდის, ვერ გააჩერებდა. წითელი კი არა, ტანკი რომ დახვედროდა წინ. საქმეც მაგაშია, მაგ სიჩქარით რატომ მიდიოდა... გინდ ისე თქვი, გინდა ასე, მაინც არ აქვს გამართლება და პოტენციური მკვლელია. ასეთ დროს ველოსიპედით ხომ არ ხარ, "კამაზზე" ზიხარ...
"იქნებ" კომენტარები ჩემი ფავორიტია ხოლმე. იქნებ ექიმთან ეჩქარებოდა, იქნებ კაბინაში მშობიარე ცოლი ეჯდა, იქნებ ისევ "ვინც დაასწრებს იმისია" აქცია გამოცხადდა რომელიმე მაღაზიაში და იქ გარბოდა...
ეს ადამიანი იქ რომ ყოფილიყო 10 წამით ადრე, ახლა ცოცხალი არ იქნებოდა...
სულ ეგრე დადიან! გადაგივლიან თავზე, რომ არ დაუთმო!
სანამ შენ გზაზე გაივლი, ჯერ უნდა გაიხედო კარგად ყველა მხარეს. ამ ქალაქში სხვა გზა არაა, თორემ ასეთი ტლუები გადაგივლიან" - წერენ სოციალური ქსელის მომხმარებლები.
ვიდეო: "ჩემი ქალაქი მკლავს"