“არ შემიძლია, მეწვის ყველაფერი...“ - რას წერს ემიგრაციიდან დაბრუნებული ქალი, რომელმაც ბაღდათის სტიქიისას მეუღლე და სამი შვილი დაკარგა
“რატომ, ღმერთო, რატომ... რატომ მომასწარი ამ დღეს... არ შემიძლია, მეწვის ყველაფერი...“- ვიდეოს და სტატუსს "ფეისბუქზე" მადონა რობაქიძე ავრცელებს, რომლის 3 შვილი და მეუღლე ბაღდათის მუნიციპალიტეტის სოფელ ნერგეეთში მეწყერმა იმსხვერპლა.
ბაღდათის მუნიციპალიტეტის სოფელ ნერგეეთში მეწყერი 7 თებერვალს, ღამით ჩამოწვა. მეწყერმა 4 სახლი მოიყოლა. მაშველებმა ერთი ადამიანის გადარჩენა შეძლეს. სტიქიას 9 ადამიანი ემსხვერპლა. ოფიციალური ინფორმაციით, ნერგეეთში მეწყრის სიმაღლე 30 მეტრია, მეწყრული მასის საორიენტაციო მოცულობა კი 150 000 მ3-ს შეადგენს. მიწის მასა ჩამოშლილია გზის, დაახლოებით, 200-მეტრიან მონაკვეთზე.
ოჯახი გასულ კვირას დაკრძალეს. ბავშვების დედა ემიგრაციაში იყო, როდესაც ტრაგედია დატრიალდა და საქართველოში რამდენიმე დღის წინ დაბრუნდა. მადონა რობაქიძე სოციალურ ქსელში ოჯახის ვიდეოს და ემოციურ პოსტს აქვეყნებს:
"რატომ, ღმერთო, რატომ... რატომ მომასწარი ამ დღეს... არ შემიძლია, მეწვის ყველაფერი" - წერს მადონა რობაქიძე.