"ერთი მნიშვნელოვანი საკითხი უნდა გავაცნო საზოგადოებას, საკითხი ეხება გმირთა მოედნიდან სანაპიროს მიმართულებით ჩამსვლელ კვანძს" - კახა კალაძე
„ლაგუნა ვერეს“ მიმდებარე ტერიტორიაზე არსებულ ბენზინგასამართ სადგურებს აიღებენ. როგორც თბილისის მერმა კახა კალაძემ დედაქალაქის მთავრობის დღევანდელ სხდომაზე აღნიშნა, ბენზინგასამართი სადგურების ადგილმონაცვლეობა მოხდება.
კალაძის თქმით, გმირთა მოედნიდან სანაპიროს მიმართულებით ჩამსვლელი ავტოსატრანსპორტო კვანძი ერთ-ერთი პრობლემური ადგილია დედაქალაქში, რის გამოც დედაქალაქის მთავრობამ აღნიშნული გადაწყვეტილება მიიღო.