სტიქიის ზონაში ტყუპი გოგონების ცხედრები იპოვეს
მაშველებმა ბაღდათის მუნიციპალიტეტში, სოფელ ნერგეეთში, ტყუპი გოგონების ცხედრები იპოვეს. ბოლო ინფორმაციით, სტიქიის ზონაში სულ რვა ადამიანის ცხედარია ნაპოვნი.
ეძებენ კიდევ ერთ ადამიანს.
ინფორმაციისთვის, ბაღდათის მუნიციპალიტეტის სოფელ ნერგეეთში მეწყერი გვიან ღამით ჩამოწვა.
ოფიციალური ინფორმაციით, ნერგეეთში მეწყრის სიმაღლე 30 მეტრია, მეწყრული მასის საორიენტაციო მოცულობა კი 150 000 მ3-ს შეადგენს. მიწის მასა ჩამოშლილია გზის დაახლოებით 200-მეტრიან მონაკვეთზე.