მამამ და მისმა მეგობარმა ქალმა 2 მცირეწლოვანი ბავშვი მე-15 სართულის ფანჯრიდან გადააგდეს - შოკისმომგვრელი ამბავი და სასჯელი, რომელიც 3 წლის შემდეგ აღსრულდა
ჩინეთში სიკვდილით დასაჯეს წყვილი, რომელმაც ორი პატარა ბავშვი (2 წლის და 1 წლის) მე-15 სართულის ფანჯრიდან გადააგდო.
მამაკაცს შვილები პირველი ქორწინებიდან ჰყავდა.
უცხოურ მედიაში გავრცელებული ინფორმაციით, დანაშაულის ინიციატორი კაცის მეგობარი ქალი გახდა. იგი კაცს ბავშვების მოშორებას სთხოვდა, წინააღმდეგ შემთხვევაში კი დაშორებით ემუქრებოდა.
შემზარავი დანაშაული 2020 წლის ნოემბერში მოხდა. წყვილს სიკვდილით დასჯა 2021 წლის დეკემბერში მიუსაჯეს, სისრულეში კი 2024 წლის 31 იანვარს მოიყვანეს.