აღსრულების ეროვნულმა ბიურომ თბილისში, ზანდუკელის ქუჩაზე, ოჯახის გამოსახლება დროებით გადადო
თბილისში, ზანდუკელის ქუჩაზე, ოჯახის გამოსახლება გადაიდო. როგორც აღსრულების ეროვნულ ბიუროში აცხადებენ, მხარეებს შორის მოლაპარაკების პროცესი დაიწყო.
ინფორმაციისთვის, ზანდუკელის N2-ში დღეს, 10:00 საათზე, უნდა გამოესახლებინა აღსრულების ეროვნულ ბიუროს მრავალსულიანი ოჯახი.
ადგილზე ოჯახის მხარდასაჭერად მოქალაქეები დილიდან არიან შეკრებილი.
ცნობისთვის, ზანდუკელის N2-ში მდებარე საცხოვრებელი სახლიდან დღეს ბალახაძეების 7-სულიანი ოჯახის გამოსახლება იყო დაგეგმილი. როგორც ელგუჯა ბალახაძე ამბობს, მათ სესხი მიკროსაფინანსო ორგანიზაციიდან აიღეს.