რას წერს ზურა ბერიკაშვილის ჯანმრთელობის მდგომარეობაზე მსახიობის დისშვილი? - "ურთულესი პერიოდი გვაქვს..."
"ძვირფასო ხალხო, უყურადღებობაში ნუ ჩამოგვართმევთ, თუ ყველას ვერ გპასუხობთ და ვერ გიყვებით ზურიკოს მდგომარეობას.
ძალიან ვაფასებთ მთელი ოჯახი თქვენს ყურადღებას, სიყვარულს და კეთილ სურვილებს.
ურთულესი პერიოდი გვაქვს და იმედს არ ვკარგავთ, რომ ზურას სასიკეთოდ წავა ყველაფერი.
როგორც კი რამე ხელშესახები წინსვლა გვექნება, აუცილებლად გაგაგებინებთ" - ამის შესახებ მსახიობ ზურა ბერიკაშვილის დისშვილი ანო მაისურაძე სოციალურ ქსელში წერს.
შეგახსენებთ, რომ მსახიობ ზურა ბერიკაშვილს მოულოდნელად ჯანმრთელობის პრობლემა შეექმნა - მას ინფარქტის შედეგად გული გაუჩერდა, რამაც ტვინის დაზიანება გამოიწვია.