სამების საკათედრო ტაძრიდან მატრონას ხატი, რომელზეც სტალინი იყო გამოსახული, გაიტანეს
სამების საკათედრო ტაძარში აღარ არის მატრონას ხატი, რომელზეც სტალინი იყო გამოსახული, ახლა მის ადგილას სხვა მატრონას ხატი ჰკიდია.
როგორც "პალიტრავიდეოს" ტაძარში უთხრეს, ხატი გვიან ღამით გააბრძანეს სამებიდან.
შეგახსენებთ, სამების ტაძარში დაბრძანებულ მატრონას ხატზე, რომელიც ტაძარს დავით თარხან-მოურავმა შესწირა, აღმოჩნდა, რომ სტალინიც იყო გამოსახული, რასაც საზოგადოების მხრიდან პროტესტი მოჰყვა. საპატრიარქოს მიერ გავრცელებული განცხადებიდან ირკვევა, რომ ისინი მიმართავენ შემომწირველთ, თვითონ შეიტანონ სათანადო ცვლილებები ხატში, წინააღმდეგ შემთხვევაში კი ამას თავად გააკეთებენ.