ანასტასიას ემოციები მაყურებლის რეაქციის შემდეგ - ოქროს მერე, უკვე ვერცხლიც: ფიგურულ ციგურაობაში საქართველოს წარმომადგენელი ისევ ევროპის ჩემპიონატის პიედესტალზეა
ფიგურულ ციგურაობაში ევროპის ჩემპიონატზე, რომელიც ლიეტუვას ქალაქ კაუნასში იმართება, საქართველოს ნაკრების წარმატებული გამოსვლა გრძელდება. სპორტულ წყვილებში ანასტასია მეტელკინა-ლუკა ბერულავას შთამბეჭდავი გამოსვლისა და ვერცხლის მედლის შემდეგ, ასევე ვერცხლი მოიპოვა ერთეულთა თანრიგში მოასპარეზე ანასტასია გუბანოვამ, რომელიც ევროპის ჩემპიონატის გასული წლის გამარჯვებული გახლავთ. მოკლე პროგრამის შემდეგ ანასტასია მე-3 ადგილზე იყო, თუმცა თავისუფალ პროგრამაში შთამბეჭდავი გამოსვლის შემდეგ მან მეორე ადგილზე გასვლა შეძლო. ულამაზესი პროგრამა ანასტასიამ უშეცდომოდ, საოცრად შთამბეჭდავად და ემოციურად წარმოადგინა. თავისუფალ პროგრამაში ანასტასიამ 137, 56 ქულა დაიმსახურა, ორი პროგრამის ჯამში კი 202.52 ქულა დააგროვა.