მიზეზი, რის გამოც მატრონა მოსკოველის ხატს სამების ტაძარში ადგილი შეუცვალეს
თბილისში, სამების საკათედრო ტაძარში ნეტარი მატრონა მოსკოველის ხატი, რომელზეც სტალინიც არის გამოსახული, გუშინდელი ფაქტის შემდეგ გაწმინდეს და უფრო თვალსაჩინო ადგილზე გადაიტანეს. შეგახსენებთ, 9 იანვარს სოციალურ ქსელში გავრცელდა ვიდეო, რომლებშიც ჩანდა, რომ ხატს ლურჯი საღებავი შეასხეს.
როგორც ტაძარში გვითხრეს, ხატი იმიტომ გადაიტანეს უფრო თვალსაჩინო ადგილზე, რომ მსგავსი შემთხვევებისგან დაიზღვიონ თავი.
აღსანიშნავია, რომ საქართველოს საპატრიარქომ სამების საკათედრო ტაძარში დროებით შეზღუდა ჟურნალისტების აკრედიტაციის გარეშე შესვლა.