"ვინმე ნაძირალას თუ თავში ეს აზრი მოუვა, სულ უნდა ახსოვდეს, რა ელის! როცა დავწერე ასეთ მანიაკებზე, მიწერდნენ, შენ ამძიმებ დედამიწასო" - სტეფანე მარნეულში ძაღლზე ძალადობის ფაქტს ეხმაურება
"იმ ტიპმა, რომელმაც წამებით მოკლა ძაღლი და მეორე, ვინც იღებდა, უნდა გახდნენ სიმბოლო, როგორ უნდა დაისაჯოს ადამიანი ესეთი სისასტიკის გამო.
მაგის შემდეგ ვინმე ნაძირალას თუ თავში ეს აზრი მოუვა, სულ უნდა ახსოვდეს, რა ელის.
როცა დავწერე ასეთ მანიაკებზე, დედამიწას ამძიმებენ-თქო და მაგათ ძაღლები მირჩევნია... პორტალი არ დატოვეს, ყველგან დაბეჭდეს ეგ სათაური და კომენტარებში მიწერდნენ: "შენ ამძიმებ დედამიწასო" - ამის შესახებ სტეფანე მღებრიშვილი სოციალურ ქსელში წერს.
ცნობისთვის, გუშინ სოციალურ ქსელში ძაღლზე ძალადობის ამსახველი ვიდეომასალა გავრცელდა. ვიდეოში ჩანს, რომ კაცმა ძაღლი ცემით მოკლა. აღნიშნულ ფაქტზე პოლიციამ მამაკაცი დააკავა.