რა ხდება ამ წუთებში დიდ დიღომში? - "გაუსაძლისია..."
დღეს, დიდ დიღომში, არჩილ მეფის ქუჩაზე, მოსახლეობა უკანონო მშენებლობას აპროტესტებს.
აქციაზე „ნაციონალური მოძრაობის“ წევრი, ლაშა ფარულავაც მივიდა. ადგილობრივები ამტკიცებენ, რომ აღნიშნული მშენებლობა თაღლითური სქემით არის დაწყებული, რისი განკარგულებაც თბილისის მერიამ გასცა.
ადგილობრივები ამბობენ, რომ მერიის წარმომადგენლებთან მოლაპარაკება რამდენჯერმე სცადეს, თუმცა ამას შედეგი არ მოჰყვა. ლაშა ფარულავა კი აცხადებს, რომ ეს მშენებლობა ადგილობრივ ხელისუფლებას და მათ კორუფციულ ინტერესებს ემსახურება.