თუ დაგროვებით საპენსიო სისტემაში ხართ ჩართული, ამ ცვლილების შესახებ აუცილებლად უნდა იცოდეთ! - რა იცვლება 3 იანვრიდან?
დაგროვებით საპენსიო სისტემაში ცვლილებებია. საპენსიო სააგენტო მოსახლეობას აფრთხილებს, რომ 2024 წლის 3 იანვრიდან პორტფელების გადანაწილების პროცესი ამოქმედდება.
ყველა ის პირი, ვისაც 2023 წლის 6 აგვისტოდან 2023 წლის 6 სექტემბრამდე არ მიუღია გადაწყვეტილება, კვლავ დაბრუნდება ნაკლებად რისკიან პორტფელში.
სქემის ყველა მონაწილეს საინვესტიციო პორტფელის ყოველ 12 თვეში ერთხელ შეცვლის უფლება ექნება.
შეგახსენებთ, 6 აგვისტოდან მოსახლეობის დანაზოგები ასაკის მიხედვით ავტომატურად გადანაწილდა სხვადასხვა რისკიანობის საინვესტიციო პორტფელში.
40 წლამდე პირების დანაზოგები მაღალრისკიანში მოხვდა, 40-დან 50 წლამდე მოქალაქეების საშუალორისკიან პორტფელში, ხოლო 50-ს ზემოთ პირების თანხები დაბალრისკიანში გადანაწილდა. მაშინ ამ გადაწყვეტილებამ მოსახლეობა დააბნია. სწორედ ამიტომ იმავე თვეში სიახლე კვლავ შეიცვალა და დაგროვებითი პენსიის დღეს არსებული მოდელი 2028 წლის პირველ იანვრამდე უცვლელი რჩებოდა. ცვლილებების მიზეზად საპარლამენტო უმრავლესობამ მოქალაქეების არასათანადო ინფორმირებულობა დაასახელა.
2023 წლის 30 სექტემბრის მდგომარეობით, საქართველოს მოქალაქეების საპენსიო დანაზოგი 3, 934 მლრდ ლარია.