“პაციენტმა ექიმის კაბინეტიდან მოიპარა ლეპტოპი! რა ვქნა ახლა, მოგიწოდოთ, "ქართველები ერთმანეთს არ ენდოთ-მეთქი"?!“ - შოკისმომგვრელი შემთხვევა საფრანგეთში - პალიტრა ვიდეო

საფრანგეთში თანამეგობრობის ასამბლეის თავმჯდომარე ნუგზარ სულაშვილი სოციალურ ქსელში პოსტს აქვეყნებს:

“ტულუზაში პაციენტმა ექიმის კაბინეტიდან მოიპარა ლეპტოპი. ექიმი, რომელიც ორდონოსის ამოსაბეჭდად სხვა ოთახში გავიდა, უკან დაბრუნებულს არც კაცი დახვდა და არც კომპიუტერი. უბედურება იმაშია, რომ სხვისგან ნათხოვარი "CMU" დაზღვევით მივიდა და ახლა მისი ნამდვილი მფლობელი ჰყავთ დაკავებული. ვინაიდან ეს პირი მძიმე პაციენტია და ორშაბათიდან ქიმიოთერაპიის მორიგი კურსი უნდა ჩაუტარდეს, პროკურორი არ გაგვიჯიუტდა და ხვალ სახლში დავაბრუნებთ, მაგრამ შეიძლება ასეთი დაუდევრობის, გულუბრყვილობის თუ დაშინების გამო მას შეუჩერდეს დაზღვევა, რაც ფატალურ შედეგს გამოიწვევს.

პ.ს. რა ვქნა ახლა, მოგიწოდოთ, "ქართველები ერთმანეთს არ ენდოთ-მეთქი"?! რატომ იმეტებთ ერთმანეთს, ადამიანებო, დასაღუპად, რატომ?!"