გაქცეული პატიმრების სამძებრო სამუშაოში კინოლოგები ჩაერთნენ
გაქცეულ პატიმრებს კინოლოგები ეძებენ. ისინი ავერსის კლინიკის მიმდებარედ ცოტა ხნის წინ გამოჩნდნენ. იუსტიციის მინისტრი კი გაქცეულ პატიმრებს უკან დაბრუნებისკენ მოუწოდებს.
მსჯავრდებულების კვალს ამ დრომდე ვერ აგნებენ. ძებნა მთელი ქვეყნის მასშტაბით მიმდინარეობს.
პენიტენციურის და შინაგან საქმეთა სამინისტროს თანამშრომლები თბილისის ერთ-ერთი ცენტრალური კლინიკიდან გაქცეულ სამ პატიმარს მთელი ქვეყნის მასშტაბით ეძებენ.
კრიმინალური, საპატრულო და გენინსპექციის თანამშრომლები "ავერსის" კლინიკასთან არიან მობილიზებული. ეს ის სამედიცინო დაწესებულებაა, საიდანაც მსჯავრდადებულებმა გაქცევა დღეს, დაახლოებით 13:00 საათზე მოახერხეს.
ცნობილია, რომ პატიმრები "ავერსის" კლინიკიდან იმ დროს გაიქცნენ, როდესაც ისინი კვლევაზე მიიყვანეს.