“კუპატა დაბადებიდან ბრმა არის და ვერაფერს ხედავს, თუმცა სიმამაცე არ აკლია“ - ემოციური ვიდეო აჭარიდან, სადაც “კუპატა-უმცროსი" ცხოვრობს - პალიტრა ვიდეო

ფოტოგრაფი ბადრი ვადაჭკორია ემოციურ ვიდეოს აქვეყნებს:

“ეს კაცი ჩემი მეგობარი გიზო მუშკუდიანია, ძაღლი კი, რომელიც ასე გიჟური სიყვარულით ეფერება პატრონს, სამი წლის კუპატაა აჭარიდან. ეტყობა ახლახან გარდაცვლილი კუპატას გავლენით დაარქვეს თავის დროზე ამ კუპატას, რომელიც ჩემთანაც მეგობრობს, რადგანაც ამ ოჯახში გაშლილი დიდებული სუფრიდან ხაშლამისა და მწვადის სოლიდურ ნაწილს მე ვუწილადებ უსაყვარლეს "კუპატას".

ახლა რაც მთავარია, კუპატა დაბადებიდან ბრმა არის და ვერაფერს ხედავს, თუმცა სიმამაცე არ აკლია. ამას წინათ ეზოში შემოსულ ორჯერ მასზე დიდ ქოფაკს ისე გაექაჩა, რომ თავი კინაღამ შეაკლა. კიდევ კარგი, გიზოც იქ იმყოფებოდა... კიდევ ერთხელ ვამბობ, "კუპატა" უთბილესი ძაღლია!“