“მაქსიმალურად ვცდილობდით, ეს საკითხი წინა პლანზე არ წამოგვეწია, რათა უხერხულობა კიდევ უფრო არ გაგვეღრმავებინა; მდიდარი „ენჯეოები“ ცდილობენ, აშშ-ის ახალ ელჩს ურთიერთობების გადატვირთვის საშუალება არ მისცენ“ - ირაკლი კობახიძე
მდიდარი „ენჯეოები“ ცდილობენ, ამერიკის ახალ ელჩს ურთიერთობების გადატვირთვის საშუალება არ მისცენ - იმედი გვაქვს, რობინ დანიგანსაც ექნება აქტიური რეაგირება ყველა იმ ქმედებაზე, რომლებიც ორ სახელმწიფოს შორის ურთიერთობების გაღრმავების წინააღმდეგაა მიმართული, - ამის შესახებ “ქართული ოცნების“ თავმჯდომარე ირაკლი კობახიძემ უმრავლესობის სხდომის დასრულების შემდეგ ბრიფინგზე განაცხადა.