"მინდა შევქმნათ სამოქალაქო თავდაცვისთვის ცხელი ხაზი! ჩემი ინფორმაციით, შემოსულია დივერსიული ჯგუფი..." - მიხეილ სააკაშვილი
"იმისათვის, რომ ჩვენ ვიყოთ კარგ ფორმაში, ძალიან ფრთხილად უნდა ვიყოთ შემოსული რუსების მიმართ. მე მინდა, შევქმნათ სამოქალაქო თავდაცვის ცხელი ხაზი, სადაც ხალხი დარეკავს და შეგვატყობინებს... ჩემი ინფორმაციით, შემოსულია დივერსიული ჯგუფი, რომელსაც ევალება არეულობის პირობებში ხელისუფლების ხელში აღება და ქვეყნის დესტაბილიზაცია" - ამის შესახებ საქართველოს ყოფილმა პრეზიდენტმა მიხეილ სააკაშვილმა სასამართლო პროცესზე განაცხადა, სადაც დიდი ოდენობით საბიუჯეტო თანხების გაფლანგვის საქმის განხილვა მიმდინარეობს.