გასროლა კავკასიის საერთაშორისო უნივერსიტეტთან - ერთმანეთს უცხოელი სტუდენტები და ერთ-ერთი ადგილობრივი დაუპირისპირდნენ
თბილისში, ჩარგლის ქუჩაზე, კავკასიის საერთაშორისო უნივერსიტეტთან, სროლის ხმა ისმოდა. არსებული ინფორმაციით, უცხოელ სტუდენტებსა და ადგილობრივებს შორის შელაპარაკება მოხდა, რასაც შემდეგ სროლა მოჰყვა. შემთხვევის შედეგად არავინ დაშავებულა.
შელაპარაკება, სავარაუდოდ, მანქანის პარკირებასთან დაკავშირებულ საკითხს მოჰყვა.
როგორც „ინტერპრესნიუსს“ შსს-ში განუცხადეს, მომხდართან დაკავშირებით გამოძიება 236-ე მუხლით დაიწყო, რაც ცეცხლსასროლი იარაღის უკანონო შეძენა-შენახვა-ტარებას გულისხმობს.