"მინდა შევეხო ერთ პრობლემურ საკითხს... ადამიანებს ჰქონდათ პროტესტი და გულისწყრომა და მინდა ახსნა-განმარტება გავაკეთო" - რა განაცხადა კახა კალაძემ ლილოს ნაგავსაყრელის შესახებ?
დედაქალაქის მერის, კახა კალაძის განცხადებით, დიდი ლილოს ნაგავსაყრელის მოსაწესრიგებლად პროექტზე მუშაობა დეკემბერში დასრულდება, ტენდერის დასრულების შემდეგ კი პროექტის განხორციელება დაიწყება.
როგორც მან თბილისის მთავრობის სხდომაზე აღნიშნა, ახლო მომავალში იგეგმება მასალების აღმდგენი ობიექტისა და მექანიკური ბიოლოგიური დამუშავების საწარმოს საერთაშორისო სტანდარტების მიხედვით მშენებლობა, ოქტომბრის ბოლოსთვის კი მზად იქნება ამ შენობა-ნაგებობებისა და დანადგარების კონცეპტუალური დიზაინი.