"ჩვენ გვაქვს ყველაფერი იმისთვის, რომ საქართველომ კანდიდატის სტატუსი მიიღოს" - ირაკლი ჩიქოვანი
საქართველოს მიერ ნაკისრი ვალდებულებების შესრულების საკითხს ეხმაურება საპარლამენტო უმრავლესობის წევრი, ირაკლი ჩიქოვანი. მისი თქმით, ოპოზიციის მხრიდან სპეკულაციას აქვს ადგილი, როდესაც რეკომენდაციების შეუსრულებლობაზე საუბრობენ.
ჩიქოვანი განმარტავს, რომ ევროკავშირის შეფასებებში საუბარია საქართველოს პროგრესზე და იმ კონკრეტულ დეტალებზე, რომლებზეც აქტიურად მიმდინარეობს მუშაობა.