უკრაინული მედია ექსპროკურორისა და მისი მეწყვილის ორდღიანი, მდიდრული ქორწილის შესახებ წერს, სადაც ვარსკვლავებმა ექსკლუზიურად იმღერეს - მხოლოდ ტორტი 100 000 გრივნად არის შეფასებული
ექსკლუზიური კონცერტი ვარსკვლავების მონაწილეობით და 100 000 გრივნად ღირებული გიგანტური ტორტი. ორდღიანი ქორწილი - ყოფილმა პროკურორმა და ლვოვში გამოძიების სახელმწიფო ბიუროს ყოფილმა თანამშრომელმა "წლის ქორწილი" გადაიხადეს.
საუბარია როსტისლავ ილნიცკისა და როქსოლან მოსკოვზე. მათი ქორწილის ვიდეოს უკრაინული მედია ავრცელებს. როგორც ცნობილი გახდა, ილნიცკიმ თანამდებობა საკუთარი სურვილით დატოვა, რის შემდეგაც ქორწილის აღსანიშნავად 5-ვარსკვლავიან კურორტ ემილიში წავიდა.
ქორწილი 7-8 ოქტომბერს გაგრძელდა.
პატარძალი 650 ევროდ ღირებული Jimmy choo-ს ფეხსაცმელებით იყო წარმოდგენილი და Bvlgari-ს სამკაულები ეკეთა.