ღაზა დღეს - დაღუპულთა რიცხვმა 1 500-ს გადააჭარბა, დაშავებულია 6 612 პალესტინელი
ღაზას სექტორში ისრაელის მიერ განხორციელებული საჰაერო თავდასხმების შედეგად დაღუპულთა რიცხვი 1537-მდე გაიზარდა, - ინფორმაციას პალესტინის ჯანდაცვის სამინისტრო ავრცელებს.
მათივე ინფორმაციით, დაშავებულია 6 612 პალესტინელი.
The Time of Israel-ის ცნობით, ისრაელის თავდაცვის ძალებმა ღაზის ჩრდილოეთის მოსახლეობას მოუწოდა, თავი სამხრეთს შეაფარონ. ისრაელის არმიის სამხედრო ჩინოვნიკმა ადგილობრივ მედიასთან საუბარში განმარტა, რომ მიუხედავად იმისა, რომ თავდაცვის ძალების გაფრთხილება ღაზის ქალაქზე იყო მიმართული, ეს გაფრთხილება ჩრდილოეთ ღაზის ყველა უბანს გულისხმობს.