"ერთად ყოფნა გვაძლიერებს" - ემოციური კადრები ისრაელიდან, ანსამბლი "გორდელა" ბუნკერში მყოფებს სიმღერით ამხნევებს
ანსამბლ "გორდელას" წევრები, რომლებიც ისრაელში იმყოფებიან, სოციალურ ქსელში ვიდეოს აქვეყნებენ, რომელშიც ჩანს, რომ ბუნკერში მყოფებს სიმღერით ამხნევებენ.
"არ შეშინდეთ მეგობრებო, ერთად ყოფნა გვაძლიერებს....
ხშირად სირენები ირთვება და უსაფრთხო ბუნკერში ჩავდივართ.
გულს სიმღერით და კარგი განწყობით ვიმაგრებთ, ასევე თქვენი კეთილი კომენტარები გვაიმედებს.
ზოგს ჰგონია არ გვეშინია, გეშინია, როგორ არ გვეშინია, მაგრამ ძალიან ცოტა. ჩვენ ერთად ვართ მთავარია სიყვარულით და სიყვარულში" - ნათქვამია "გორდელას" მიერ გავრცელებულ ინფორმაციაში.
ცნობისთვის, ქართული ანსამბლი თელ-ავივში კონცერტის გამართვას გეგმავდა. მათთან ერთად იმყოფება მომღერალი გია ნიკოლაძე.