“ამდენი წელია ველოდები, რომ ვიღაც დაინახავს, რამდენ შრომას ვდებ... რატომ არ შეიძლება გამომიძახონ თუნდაც ამხანაგურ მატჩში? იცის ჩემი არსებობის შესახებ?“ - სომხეთის ჩემპიონატის მიმდინარე სეზონის საუკეთესო ბომბარდირი ლევან კუტალია ვილი სანიოლს აკრიტიკებს - პალიტრა ვიდეო

სომხეთის ჩემპიონატის მიმდინარე სეზონის საუკეთესო ბომბარდირი ლევან კუტალია სანაკრებო სიაში ვერმოხვედრის შემდეგ საჯარო განცხადებას აკეთებს.

“გამარჯობა, მეგობრებო! მინდა გამოვეხმაურო სანაკრებო სიას, გულდაწყვეტილი ვარ ისევ. ამდენი წელია ველოდები, რომ ვიღაც, სადღაც დაინახავს, თუ რამდენ შრომასა და მონდომებას ვდებ, არ ვჩერდები, ვთამაშობ, გამაქვს გოლები სხვადასვა ჩემპიონატში, რომ აი, ერთ დღეს ვიღაც შემომხედავს და დააფასებს ჩემს შრომას, მაგრამ უშედეგოდ. კვლავ უყურადღებობა, იგნორირება. რისთვის გინდა ფეხბურთელს კარიერა? - იმისთვის, რომ ერთხელ მაინც, შენი ქვეყნის მაისური ჩაიცვა. ეს სიამაყეა, როდესაც შენი ქვეყნისთვის უნდა გაისარჯო. მაგრამ ისევ იგნორი.

დრო გარბის და მეც მაქვს ძალიან სამართლიანი კითხვა - რატომ არ შეიძლება გამომიძახონ თუნდაც ამხანაგურ მატჩში? ვფიქრობ, რომ უსამართლოა ეს დამოკიდებულება და გადაწყვეტილება ჩემ მიმართ, რასაც აკეთებენ. არცერთ სხვა ქვეყანაში ეს არ მოხდებოდა, ხშირად მესმის სანიოლისგან, რომ ის ვიღაცებს აკვირდება, რომ თუ მოუმატებენ, არ გამორიცხავს მათ კანდიდატურას და მე? იცის ჩემი არსებობის შესახებ? ვიცი, რომ მედიამ ბევრჯერ დაუსვა კითხვა ჩემ შესახებაც, მაგრამ ბოლოს უთქვამს, გამოუძახებელ ფეხბურთელებზე კომენტარს არ გავაკეთებო! რატომ? მაქვს კითხვა - რატომ არ დაიმსახურა ლევან კუტალიამ, თუნდაც ერთხელ, სიაში მოხვედრა????!! პ.ს. მინდა წარმატება ვუსურვო ბიჭებს ამ თამაშებში.“