დევდორაკის საავტომობილო გვირაბში დროებით ავტოტრანსპორტის მოძრაობა შეზღუდულია
მცხეთა–სტეფანწმინდა–ლარსის საავტომობილო გზაზე, დევდორაკის საავტომობილო გვირაბში დროებით შეზღუდულია ავტოტრანსპორტის მოძრაობა. ამის შესახებ ინფორმაციას საავტომობილო გზების დეპარტამენტი ავრცელებს.
განაცხადებაში ნათქვამია, რომ გვირაბში დაზიანებული ელექტროსისტემის აღდგენითი სამუშაოები მიმდინარეობს.
"საერთაშორისო მნიშვნელობის მცხეთა–სტეფანწმინდა–ლარსის საავტომობილო გზის კმ132-კმ135 მონაკვეთზე მდებარე დევდორაკის საავტომობილო გვირაბში მიმდინარეობს დაზიანებული ელექტროსისტემის აღდგენის სამუშაოები. რის გამოც, დროებით შეზღუდულია ავტოტრანსპორტის მოძრაობა და გადართულია შიდასახელმწიფოებრივი მნიშვნელობის დევდორაკის გვირაბის შემოსავლელ საავტომობილო გზაზე აღნიშნული რეჟიმით მოძრაობა განხორციელდება საპატრულო პოლიციის უშუალო ზედამხედველობით და კოორდინაციით" - ნათქვამი განცხადებაში.