"მადლობა ჩემს წარმომადგენლებს, რომლებმაც უპრეცედენტო სასამართლო პროცესზე გაუძლეს ყველანაირ ფსიქოლოგიურ, მორალურ ზეწოლასა და შეურაცხყოფას როგორც ჩემი, ასევე მათი მისამართით" - სალომე ზურაბიშვილი - პალიტრა ვიდეო

საქართველოს პრეზიდენტი სალომე ზურაბიშვილი მადლობას უხდის თამარ ჩუგოშვილს და მაია კოპალეიშვილის, რომლებმაც საკონსტიტუციო სასამართლოს სხდომაზე, პრეზიდენტის იმპიჩმენტის წარდგინების განხილვისას დაიცვეს მისი უფლებები.

სალომე ზურაბიშვილის თქმით, მისმა წარმომადგენლებმა გაუძლეს როგორც ფსიქოლოგიურ და მორალურ ზეწოლას, ასევე შეურაცხყოფას, მათი და პრეზიდენტის მისამართით. პრეზიდენტი ასევე დასძენს, რომ მისი მისამართით სასამართლო პროცესზე აბსურდული ბრალდებები გაკეთდა.

"მადლობა ჩემს წარმომადგენლებს, რომლებმაც უპრეცედენტო სასამართლო პროცესზე გაუძლეს ყველანაირ ფსიქოლოგიურ, მორალურ ზეწოლასა და შეურაცხყოფას როგორც ჩემი, ასევე მათი მისამართით და აბსურდული ბრალდებებისა და არარსებული მტკიცებულებების პირობებში ღირსეულად დაიცვეს პრეზიდენტის ინსტიტუტი" - წერს სალომე ზურაბიშილი.