"ის, რაც ახლა ხდება, არის ივანიშვილის თამაში და მცდელობა, გადაიტანონ ყურადღება ოლიგარქის დიქტატურიდან" - რას წერს მიხეილ სააკაშვილი სასამართლოში პრეზიდენტის საიმპიჩმენტო წარდგინების განხილვაზე?
"ის, რაც ახლა ხდება, როგორც ადრე უკვე ვთქვი, არის ივანიშვილის თამაში და მცდელობა, გადაიტანონ ყურადღება ოლიგარქის დიქტატურიდან" - ასე ეხმაურება მიხეილ სააკაშვილი საქართველოს საკონსტიტუციო სასამართლოში, პრეზიდენტის საიმპიჩმენტო წარდგინების განხილვას.
მიხეილ სააკაშვილის თქმით, სალომე ზურაბიშვილის ქმედებები, ბიძინა ივანიშვილის გეგმებს არ ეწინააღმდეგება.
"ზოგადად წინააღმდეგი ვარ პრეზიდენტის იმპიჩმენტის, რადგან ეს პრეზიდენტის ინსტიტუტის დისკრედიტაციას იწვევს, მაგრამ ის, რაც ახლა ხდება, როგორც ადრე უკვე ვთქვი, არის ივანიშვილის თამაში და მცდელობა გადაიტანონ ყურადღება ოლიგარქის დიქტატურიდან, რადგან აღარ ვსაუბრობთ ფარცხალაძეზე, კორუფციაზე, ინფრასტრუქტურულ და ეკონომიკურ პრობლემებზე.სალომე ზურაბიშვილს ჯერ-ჯერობით არაფერი გაუკეთებია ისეთი, რაც ივანიშვილის გეგმებს ეწინააღმდეგება", - წერს მიხეილ სააკაშვილი.
საქართველოს საკონსტიტუციო სასამართლოში პრეზიდენტ სალომე ზურაბიშვილის საიმპიჩმენტო წარდგინების განხილვა მიმდინარეობს. საკითხს საკონსტიტუციო სასამართლოს 9 მოსამართლისგან შემდგარი პლენუმი განიხილავს.