უმძიმესი ავარია კახეთში - შემთხვევის შედეგად ორი ახალგაზრდა დაიღუპა
ყვარელში, ჭავჭავაძის ქუჩაზე მომხდარ ავარიას ორი ადამიანი ემსხვერპლა. შემთხვევა წუხელ, გვიან ღამით მოხდა.
"ტოიოტა პრიუსის" მარკის მანქანა მოცურდა, მძღოლმა საჭე ვერ დაიმორჩილა და ხეს შეეჯახა. ავტომობილში მყოფი ახალგაზრდა ქალი და კაცი ადგილზე დაიღუპნენ. მანქანას ცეცხლი გაუჩნდა და დაიწვა.
შემთხვევის ადგილზე სამართალდამცველებმა და ექსპერტ-კრიმინალისტებმა იმუშავეს.