"იმდენი გაგისივდათ ცხვირი, რამდენიც "ლეიბორისტული პარტიის" გარდა, ამ ქვეყანაში მეტი კლასიკური პარტია არ არსებობს" - რას წერს შალვა ნათელაშვილი "ედისონ რისერჩის" კვლევაზე?
"ედისონ რისერჩის საყურადღებოდ - იმდენი გაგისივდათ ცხვირი, რამდენიც "ლეიბორისტული პარტიის" გარდა, ამ ქვეყანაში მეტი კლასიკური პარტია არ არსებობს და ეს ჩვენმა ხალხმა იცის შესანიშნავად, მომხრემაც და სხვათა შორის, მოწინააღმდეგემაც." - ამის შესახებ "ლეიბორისტული პარტიის" ლიდერი შალვა ნათელაშვილი სოციალურ ქსელში წერს.
"ახლა ყველაზე მთავარი - როდესაც დანაშაულებრივი ორგანიზაცია "ქართული ოცნების" რეიტინგი სრულიად განადგურებულია და დასავლეთში წყდება მათი ლიდერების დასანქცირების საკითხი, 37 პროცენტის, ანუ მომავალი უმრავლესობისათვის საკმარისი ქულების დაწერა მათთვის ეს ივანიშვილის გადასარჩენად მაშველი რგოლის გადაგდებაა. ამდენს ტელეკომპანია "იმედიც" ვერ დაუწერდა. ამჯერად - გამარჯვების პლატფორმად გადანათლული, დაშლადი "ნაცმოძრაობის" მეორე ადგილზე გაყვანა უკვე იმ სიახლით,რომ იქ დაბრუნდა ეროვნული ქურდის, ბიძინა ივანიშვილის მარჯვენა ხელის, ჩხარტიშვილის სიძე, კიდევ ცალკე დანაშაულია მომავლის წინაშე. ჩვენ წინ ნარკომან-მორფინისტ-გირჩელთა ჩაწერა უკვე იმ ქვეყანაშიც ჯოჯოხეთში მოხვედრის საგზურიცაა, ხოლო მესამე ადგილზე გახარია-თვალთხარიას ე.წ. პარტიის ჩაწერა ყველა იმ ახალგაზრდის და მათი თანატოლების შეურაცხყოფაა, ვისი ბრძნებითაც ბავშვებს 20 ივნისს დათვის ტყვიებით თხრიდნენ თვალებს. მოკლედ, ტრადიციულად დაიწყო არჩვნების გაყალბება არჩვნებამდე. ჩვენ უნდა გავემზადოთ იმისათვის, რომ თავზე გადავახიოთ ყველას ჩვენი მომავლის გამყალბებელი ეს ეტრატები." - წერს შალვა ნათელაშვილი.