"იყო პირდაპირი მუქარა; შუათითს რომ ადამიანს აჩვენებ, ის გაგცემს პასუხს" - ნინო კვიტაიშვილი კოტე ზარნაძეს - პალიტრა ვიდეო

დედაქალაქის საკრებულოს სხდომა ხმაურის ფონზე მიმდინარეობს. ხმაური ფრაქცია „ქართული ოცნება - დემოკრატიული საქართველოს“ წევრის, კონსტანტინე ზარნაძის სიტყვით გამოსვლას მოჰყვა.

კერძოდ, ზარნაძემ აღნიშნა, რომ იმ დროს, როდესაც მანქანით გადაადგილდებოდა, მასთან ორი მანქანით მივიდნენ და ლანძღვა დაუწყეს. როგორც ზარნაძემ განაცხადა, ისინი მას აგინებდნენ, მანქანას კი სტიკერები დააკრეს, რომლებიც სალანძღავ სიტყვებს შეიცავდა.

აღნიშნულს გამოეხმაურა თბილისის საკრებულოს ფრაქცია „ერთიანი „ნაციონალური მოძრაობის“ წევრი ნინო კვიტაიშვილი. როგორც მან აღნიშნა, კოტე ზარნაძემ აღნიშნულ პირებს შუათითი უჩვენა.

აღნიშნული განცხადების საპასუხოდ ზარნაძემ აღნიშნა: „მე დავიწყე?!“.